Ítarlegri frétt af þessu

Fjórir erlendir mótmælendur voru handteknir fyrir utan fuglahreiðrið eftir að hafa mótmælt því hvernig kínversk yfirvöld fara með Tíbeta.

Talið er að þeir séu frá Bretlandi og Bandaríkjunum. Þeim tókst að setja upp tvö risastór skilti fyrir utan hinn stórbrotna leikvang, á skiltunum stóð: Tíbet mun öðlast frelsi og Einn heimur, einn draumur, frjálst Tíbet.

Mótmælendurnir tilheyrðu samtökunum, Students for a Free Tibet, en samtökin halda því fram að skiltin hafi verið sýnileg í klukkutíma áður en kínverska lögreglan tók þau niður.

Forsætisráðherra Ástralíu, Kevin Rudd hefur staðfest að hann muni ræða um bága stöðu mannréttinda í landinu við kínversku ríkisstjórnina þegar hann kemur til Peking á morgunn. 

Mikið væri nú gaman ef okkar stjórnmálamenn hefðu hugrekki til að gera slíkt hið sama. 

Minni á ljósahátíð á Lækjartorgi annað kvöld klukkan 21:00 í boði vina Tíbets. Meira um það í fyrri færslum. 

För ólympíukyndilsins lokið